काठमाडौं । सोमबार नेप्से ३.९३ अंकले बढेको छ । आइतबार २२.१४ अंकले घटेर २१०९.३४ विन्दुमा बन्द भएको नेप्से आज बढेर २११३.२७ विन्दुमा पुगेको हो ।
आज कारोबारमा आएका २४७ कम्पनीमध्ये १४९ वटाको शेयरमूल्य बढेको छ । ९० कम्पनीको शेयरमूल्य घटेको छ भने ८ कम्पनी स्थिर रहेका छन् । बजारमा रहेका १३ उपसमूहमध्ये आज बैंकिङ सबइन्डेक्स, होटेल एण्ड टुरिजम इन्डेक्स र नन लाइफ इन्स्योरेन्सबाहेक अन्य उपसमूहको सूचक बढेका छन् ।
आज दुई कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा मुक्तिनाथ कृषि कम्पनी र नेपाल वेयर हाउजिङ कम्पनी रहेका छन् ।
सोमबार ९३ लाख ३० हजार कित्ता शेयर ३ अर्ब ८९ करोड बराबर रुपैयाँमा कारोबार भएको छ ।
