काठमाडौं । आइतबार शेयर बजार बढेर बन्द भएको छ । अघिल्लो कारोबार दिन अर्थात गत बिहीबार ३.२४ अंक घटेर बन्द भएको नेप्से, यस दिन भने बढेर बन्द भएको हो।
आज नेपाल स्टक एक्सचेञ्ज (नेप्से) १४.३३ अंकले बढेर १ हजार ९ सय ८० दशमलव २७ विन्दुमा पुगेको छ ।
आज कारोबारमा आएका ३ सय ८ स्क्रिपको २ अर्ब ६८ करोड रुपैयाँ बराबरको ६८ लाख ७८ हजार कित्ता शेयर किनबेच भएको छ ।
नेप्सेसँगै यस दिन कारोबार रकम पनि बढेको छ। गत साताको विहीबार २ अर्ब ३६ करोड रुपैयाँ बराबरको शेयर कारोबार भएको थियो ।
आइतबार कारोबारमा आएका १ सय ८० कम्पनीको शेयर मूल्य बढेको छ । ५५ कम्पनीको शेयर मुल्य घटेको छ भने ९ कम्पनीको शेयर मुल्य स्थिर छ ।
१३ उपसमूहमध्ये यस दिन १२ उपसमूहको परिसूचक बढेको छ भने एक उपसमूहको परिसूचक घटेको छ। यस दिन वित्त उपसमूहको परिसूचक सर्वाधिक ३.९८ प्रतिशत बढेको छ। यस दिन विकास बैंक उपसमूहको परिसूचक २ प्रतिशतभन्दा बढी बढेको छ भने लघुवित्त र निर्जीवन बीमा उपसमूहको परिसूचक १ प्रतिशतभन्दा बढी बढेको छ। यस दिन व्यापार उपसमूहको परिसूचक ०.३४ प्रतिशत घटेको हो।
आज सबैभन्दा धेरै पोखरा फाइनान्सको शेयर कारोबार भएको छ । आज यस कम्पनीको १३ करोड ५ लाख रुपैयाँको शेयर कारोबार भएको छ । मल्टीपर्पस फाइनान्सको १० करोड ९९ लाख रुपैयाँको शेयर कारोबार भएको छ । पिपुल्स पावरको ९ करोड ८५ लाख रुपैयाँको शेयर कारोबार भएको छ ।
आइतबार पोखरा फाइनान्सको शेयर मुल्य ९.८४ प्रतिशतले बढेको छ । प्रोग्रेशिभ फाइनान्सको शेयर मूल्य ७.६२ प्रतिशतले बढेको छ । त्यस्तै, श्री इन्भेष्टमेन्ट फाइनान्सको शेयर मूल्य ६.८० प्रतिशतले बढेको छ भने वेष्ट फाइनान्सको शेयर मुल्य ६.७८ प्रतिशतले बढेको छ ।
