काठमाडौं । शेयर बजार बढेर बन्द भएको छ । आइतबारदेखि नै बढ्न थालेको बजारले मंगलबार पनि निरन्तरता पाएको छ।
नेपाल स्टक एक्सचेञ्ज (नेप्से) ९.१९ अंकले बढेर २ हजार ३६ दशमलव १ विन्दुमा पुगेको छ । आज कारोबारमा आएका ३ सय १५ स्क्रिपको ४ अर्ब १४ करोड रुपैयाँ बराबरको ९७ लाख ८९ हजार कित्ता शेयर किनबेच भएको छ ।
मंगलबार पनि फाइनान्स उपमूहमा लगानीकर्ताको आकर्षण कायमै देखिएको छ भने त्यसबाहेक अन्य उपसमूह र इन्स्योरेन्स समूहमा पनि लगानीकर्ताको आकर्षण बढेको छ। यस दिन कारोबारमा आएका १३ उपसमूहमा ३ उपसमूहको सूचक नकारात्मक देखिएका छन् भने बाँकी १० उपसमूहको सूचक सकारात्मक छन्।
आज सबैभन्दा धेरै सूर्यज्योति लाइफको शेयर कारोबार भएको छ । आज यस कम्पनीको १८ करोड माथिको शेयर कारोबार भएको छ । गोर्खाज फाइनान्सको १६ करोड ५ लाख रुपैयाँको शेयर कारोबार भएको छ । हिमालयन रिइन्स्योरेन्सको १५ करोड ४५ लाख रुपैयाँको शेयर कारोबार भएको छ । नेपाल फाइनान्स कम्पनीको १५ करोड ३६ लाख रुपैयाँको शेयर कारोबार भएको छ ।
मंगलबार नेपाल फाइनान्स, जानकी फाइनान्स र पोखरा फाइनान्सको शेयरमूल्य सर्किट लागेको छ ।
