काठमाडौं । आइतबार नेपाल स्टक एक्स्चेञ्ज परिसूचक (नेप्से) घटेको छ । साताको पहिलो दिन नेप्से १७.३० अंकले घटेर २०१८.३३ विन्दुमा पुगेको हो ।
आज कारोबारमा आएका २४५ कम्पनीहरुमध्ये ६३ वटाको शेयरमूल्य बढेको, १७२ कम्पनीको घटेको र १० कम्पनीको शेयरमूल्य स्थिर रहेको छ । बजारमा रहेका १३ उपसूचकहरुमध्ये आज निर्जिवन बिमा बाहेक अन्य सबै उपसूचक घटेका छन् ।
मायाखोला हाइड्रोपावर कम्पनीको शेयरमूल्यमा आज सकारात्मक सर्किट लागेको छ । विगत केही दिनदेखि निरन्तर सकारात्मक सर्किट लागेको सर्वोत्तम सिमेन्टको शेयरमूल्यमा भने आज नकारात्मक सर्किट लागेको छ ।
आइतबार ७९ लाख ५७ हजार ६५९ कित्ता शेयर ३ अर्ब २० करोड ५३ लाख रुपैयाँ बराबर रकममा कारोबार भएको छ । आज सबैभन्दा धेरै कारोबार सर्वोत्तम सिमेन्टको भएको छ ।
