काठमाडौं । नेपाल राष्ट्र बैंकले २० अर्ब ७१ करोड २५ लाख रुपैयाँ बराबरको ट्रेजरी विल जारी गर्ने भएको छ । बैंकले सोमबार सो रुपैयाँ बराबरको ट्रेजरी विल जारी गर्ने भएको हो ।
बैंकले २८ दिनको लागि ५ अर्ब रुपैयाँको नयाँ ट्रेजरी विल जारु गर्ने भएको छ भने ९१ दिनको लागि १० अर्ब ११ करोड २५ लाख रुपैयाँ ट्रेजरी बिल नवीकरणको लागि बोलकबोल हुने राष्ट्र बैंकले जनाएको छ ।
त्यस्तै, १८२ दिनको लगि ६० करोड रुपैयाँ ट्रेजरी बिल नवीकरणको लागि बोलकबोल हुने भएको छ भने ३६४ दिनको लागि ५ अर्ब रुपैयाँको ट्रेजरी विल नवीकरणको लागि बोलकबोल हुने राष्ट्र बैंकले जनाएको छ ।
उक्त ट्रेजरी विल २८ दिनको बैशाख ११ गते परिपक्क हुनेछ भने ९१ दिनको असार १२ गते परिपक्क हुनेछ । त्यस्तै, १८२ दिनको असोज ८ गते परिपक्क हुनेछ भने ३६४ दिनको चैत ११ गते परिपक्क हुनेछ ।
यो ट्रेजरी विल सोमबार दिउँसो ३ बजे अनलाइन माध्यमबाट बोलकबोल हुनेछ । उक्त बोलकबोलमा बैंक तथा वित्तीय संस्था, सर्वसाधारण संस्था तथा सर्वसाधारण नागरिकले सहभागीता हुन सक्नेछन् ।
एक वर्ष वा त्यसभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र ट्रेजरी बिल हो । ट्रेजरी बिल अवधिको आधारमा २८ दिने, ९१ दिने, १८२ दिने र ३६४ दिने गरी चार किसिमका हुन्छन् ।
