काठमाडौं । मंगलबार नेपाल स्टक एक्स्चेञज परिसूचक (नेप्से) ६.२४ अंकले घटेको छ । सोमबार ३.२७ अंकले बढेर २०७३.५३ विन्दुमा पुगेको नेप्से आज घटेर २०६७.२९ विन्दुमा पुगेको हो ।
आज कारोबारमा आएका २४३ कम्पनीमध्ये १०४ वटाको शेयरमूल्य बढेको छ । १२८ कम्पनीको शेयरमूल्य घटेको छ भने ११ कम्पनी स्थिर रहेका छन् । बजारमा रहेका १३ उपसमूहमध्ये आज फाइनान्स, लाइफ इन्स्योरेन्स र माइक्रोफाइनान्स बाहेक अन्य उपसमूहको सूचक घटेका छन् ।
आज तीन कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा आजै मात्र कारोबारमा आएको सर्वोत्तम सिमेन्ट, बुद्धभूमि हाइड्रोपावर र धौलागिरी लघुवित्त रहेका छन् ।
मंगलबार ९४ लाख ७८ हजार कित्ता शेयर ३ अर्ब ६३ करोड बराबर रुपैयाँमा कारोबार भएको छ । आज सबैभन्दा धेरै कारोबार शिवम् सिमेन्ट भएको छ । सर्वोत्तम सिमेन्ट धेरै कारोबार भएका कम्पनीको दोस्रो स्थानमा परेको छ ।
