काठमाडौं । तीन कम्पनीको बोनस शेयर नेप्सेमा सुचीकृत भएको छ । यसरी सुचीकृत हुनेमा ज्योति विकास बैंक, ग्लोवल आइएमई लघुवित्त र नेपाल ल्यूब आयल रहेका छन् ।
ज्योति विकास बैंकको ३ प्रतिशत बोनसको १२ लाख ८० हजार ३ सय २५ कित्ता बोनस शेयर नेप्सेमा सुचीकृत भएको छ । त्यस्तै, विहीबार ग्लोवल आइएमई लघुवित्तको १२ प्रतिशत बोनस बापतको ६ लाख ६३ हजार १ सय ७ कित्ता बोनस शेयर नेप्सेमा सुचीकृत भएको हो ।
त्यस्तै, नेपाल ल्यूब आयलको २५ प्रतिशत बोनस बापत ९७ हजार ५ सय ६४ कित्ता बोनस शेयर नेप्सेमा सुचीकृत भएको छ । यसरी तीन कम्पनीकाे बाेनस शेयर नेप्सेमा सुचीकृत भएसँगै दाेस्राे बजारमा काराेबार गर्नकाे लागि याेग्य भएकाे छ ।
