काठमाडौं । माई खोला हाइड्रोपावरको आइपीओमा पहिलो दिन २४ लाख ९३ हजार २ सय ९० कित्ताका लागि आवेदन परेको छ । शुक्रबार (वैशाख ८ गते) साँझ ५ः०३ बजेसम्ममा २ लाख १८ हजार २ सय ९१ जना सर्वसाधारण आवेदकले २४ करोड ९३ लाख २९ हजार रुपैयाँ बराबरको आवेदन दिएका हुन् ।
कम्पनीले शुक्रबारदेखि सर्वसाधारणका लागि प्रतिकित्ता १ सय रुपैयाँको दरले १२ लाख ६९ हजार ४ सय ११ कित्ता सेयर बिक्री खुला गरेको हो । यसआधारमा हेर्दा, यो आइपीओमा पहिलो दिनमै मागभन्दा करिब दोब्बर आवेदन परेको छ ।
कम्पनीले कुल १५ लाख २९ हजार ४ सय ११ कित्ता सेयरमध्ये ७६ हजार ४ सय ७१ कित्ता म्युचुअल फन्ड र ३० हजार ५ सय ८८ कित्ता सेयर कर्मचारीका लागि सुरक्षित गरी बाँकी रहेको सेयर सर्वसाधारणलाई खुला गरेको हो ।
यसमा न्यूनतम १० कित्तादेखि अधिकतम ५० हजार कित्तासम्म आवेदन दिन सकिनेछ । वैशाख १२ गतेसम्म आवेदन दिन सकिनेछ । आयोजना प्रभावित स्थानीय र वैदेशिक रोजगारीमा रहेका नेपालीका लागि यसअघि नै आइपीओ बिक्री गरिसकेको छ ।
