काठमाडौं । कुमारी क्यापिटलले चैत ९ गतेदेखि बिक्री खुला गरेको कुमारी सुनौलो लगानी योजनाको इकाईमा आवेदन दिने समय थप गरिएको छ । सो योजनाको इकाईका लागि अब चैत २३ गतेसम्म आवेदन दिन सकिने क्यापिटलले जनाएको छ।
क्यापिटलले प्रतिइकाई १० रुपैयाँ अंकित मूल्यका १० करोड इकाई निष्काशन गरेको छ। क्यापिटलले कुमारी सामुहिक लगानी कोष अन्तर्गत संचालन हुने कुमारी सुनौलो योजना नामक खुलामुखी योजनाको इकाई निष्काशन गरेको हो ।
सोमध्ये हाल ५० करोड रुपैयाँ बराबरको ५ करोड इकाई सार्वजनिक निष्काशनमार्फत बिक्री गरिनेछ भने बाँकी रहेको ५ करोड इकाई सामूहिक लगानी कोष नियमावलीको व्यवस्था बमोजिम योजनाको इकाई योजना व्यवस्थापकले तोकेको वितरक मार्फत निरन्तर खरिद बिक्रीका लागि खुल्ला गरिने क्यापिटलले जनाएको छ।
क्यापिलले १ करोड ५० लाख इकाई कोष प्रबद्र्धक कुमारी बैंक लिमिटेडका लागि छुट्याएको छ। सर्वसाधारण लगानीकर्ताले बाँकी ३ करोड ५० लाख इकाईका लागि आवेदन दिन सक्नेछन्।
