काठमाडौं । नेपाल स्टक एक्स्चेञ्ज परिसूचक (नेप्से) १८.१५ अंकले घटेर १९१५.१४ विन्दुमा पुगेको छ । साताको अन्तिम दिन नेप्सेमा ४३ लाख ४० हजार २ सय ७० कित्ता शेयर १ अर्ब ४१ करोड रुपैयाँमा कारोवार भएको हो । बुधबार नेप्सेमा १ अर्ब ३३ करोड बराबरको कारोवार भएको थियो ।
आज कारोवारमा आएका २१३ कम्पनीमध्ये २८ वटाको शेयरमूल्य बढेको, १७९ वटाको घटेको र ६ वटाको स्थिर रहेको छ । बजारमा रहेका १३ उपसमूहमध्ये सबैको सूचक घटेको छ ।
बिहिबार कारोवारमा आएको एउटा कम्पनीको शेयरमूल्यमा सकारात्मक सर्किट लागेको छ । सकारात्मक सर्किट लाग्नेमा मायाखोला हाइड्रोपावर रहेको छ ।
आज एनआईसी एशिया बैंकको शेयर कारोवार सबैभन्दा उच्च छ ।
