काठमाडौं । रिलायन्स लाइफ इन्स्योरेन्सको शेयर कारोबार रोक्का भएको छ । भोली बिहीवारदेखि सो कम्पनीको शेयर कारोबार बन्द हुने भएको हो ।
सानिमा लाइफ इन्स्योरेन्स र रिलायन्स लाइफ इन्स्योरेन्स मर्जरभइ बिहीवारदेखि एकिकृत कारोबार गर्न लागेकाले सो कम्पनीको शेयर कारोबार रोक्का हुने भएको कम्पनीले जनाएको छ ।
यी दुई कम्पनी बिच १ः१ को अनुपातमा मर्जमा जाने सहमति भएको छ । उक्त कम्पनीहरुले गत असार २९ गते मर्जरका लागि प्रारम्भिक सम्झौता गरेका थिए भने फागुन १८ गते नेपाल बीमा प्राधिकरणबाट अन्तिम स्वीकृति पाएका थिए ।
हाल सानिमाको चुक्ता पूँजी २ अर्ब ८ करोड रुपैयाँ छ भने रिलायन्सको २ अर्ब १० करोड रुपैयाँ रहेको छ । मर्जर पछि कम्पनीको चुक्त पुँजी ४ अर्ब १८ करोड रुपैयाँ नाघ्ने छ ।
