काठमाडौं । उपचारका लागि भारत लगिएका सांसद चन्द्र भण्डारीले शल्यक्रियापछि पहिलो पटक दोहोरो संवाद गरेका छन् । मुम्बईस्थित नेशनल बर्न सेन्टरका अनुसार उनलाई भेन्टिलेटरबाट हटाई नर्मल मास्कबाट अक्सिजन दिइएको छ ।
अस्पतालका अनुसार उनको स्वास्थ्यमा पहिले भन्दा उल्लेख्य सुधार आएको छ । सुन्निएको अनुहार पहिलेभन्दा घटेको छ । स्वास्थ्य प्यारामिटरहरु सामान्य नै छन् । कल्चर रिपोर्ट आउनै बाँकी र त्यसमा पनि सामान्य नै आउने अपेक्षा गरिएको छ ।
