काठमाडौं । आज सुनचाँदी बजारमा सुनको मूल्य बढेको छ । सोमवार छापावाला सुन प्रतितोला १ लाख ४ हजार ६ सय रुपैयाँ कायम गरिएको छ ।
आइतवार प्रतितोला १ लाख ४ हजार १ सय रुपैयाँ कायम भएको सुन आज ५ सय रुपैयाँले बढेर १ लाख ४ हजार ६ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ । आइतवार एकैदिन २ हजार रुपैयाँले घटेको सुन आज फेरि ५ सय रुपैयाँले बढेको छ ।
त्यस्तै, तेजावी सुन प्रतितोला १ लाख ४ हजार १ सय रुपैयाँ तोकिएको छ भने चाँदी प्रतितोला १ हजार ३ सय २० रुपैयाँ तोकिएको महासंघले जनाएको छ ।
