भक्तपुर । भक्तपुरमा ५ हजार ८ सय गाँजाका बोट नष्ट गरिएको छ । महानगरी प्रहरी बृत्त जगाती, सामुदायिक प्रहरी सेवा केन्द्र कटुन्जेले सामुदायिक प्रहरी साझेदारी कार्यक्रम अन्तर्गत प्राकृतिक रुपमा उम्रिएका गाँजा फडानी गरिएको हो ।
जुन २६ तारिकमा विश्वभर मनाइदै आएको लागु औषध दुरुपयोग तथा ओसार प्रसार विरुद्धको अन्तर्राष्ट्रिय दिवसको अवसर पारेर गाँजा फडानी गरिएको महानगरीय प्रहरी बृत्त जगातीले जनाएको छ ।
फंडानी कार्यमा प्रहरी नायव उपरिक्षक राजेश थापाको नेतृत्वमा सामुदायिक प्रहरीका पदाधिकारी, जनप्रतिनिधि, प्रहरी अधिकृत तथा जवान गरी ५० जनाको सहभागिता रहेको थियो ।
अभियानका क्रममा भक्तपुर नगरपालिका वार्ड नं. १ सृजनानगरस्थित ९९ रोपनीमा प्राकृतिक रुपमा उम्रिएका ५ हजार ८ सय गाँजाका बोट नष्ट गरिएको बृत्त जगातीले जनाएको छ ।
