काठमाडौं । स्वास्थ्य तथा जनसंख्या मन्त्रालयका अनुसार काठमाडौं उपत्यकामा ४२७ जना संक्रमित थपिएका छन् ।
जसमा काठमाडौंमा ३०८, भक्तपुरमा ४३ र ललितपुरमा ७६ जना संक्रमित थपिएका हुन् ।
योसँगै काठमाडौंमा सक्रिय संक्रमितको संख्या ८ हजार ६१६ पुगेको छ ।
पछिल्लो २४ घण्टामा नेपालमा थप २ हजार ४ सय ७६ जनामा कोरोनाभाइरसको संक्रमण पुष्टि भएको छ ।
यही अवधिमा थप ५ हजार ४ सय ५५ जना कोरोना संक्रमण मुक्त भएका छन् ।
पछिल्लो २४ घण्टामा थप २७ जनाले कोभिड–१९ को संक्रमणबाट ज्यान गुमाएका छन् ।
