काठमाडौं । राष्ट्रिय बीमा संस्थानले विभिन्न पदका लागि कर्मचारी माग गरेको छ । कम्पनीले बिहीवार सूचना जारी गर्दै करार सेवाका लागि ५ पदमा कर्मचारी माग गरेको हो ।
कम्पनीले चार्टर्ड एकाउन्टेन्ड (सीए)मा २ जना, सेमीक्वालिफाएड सीए का लागि ४ जना, कम्प्युटर अधिकृतमा १, कानुन अधिकृतमा १ र एक्चुरी (साहायक) पदका लागि २ जना कर्मचारी माग गरेको छ ।
उक्त पदहरुका लागि संस्थानले सीएका लागि स्नातक तह उत्तीर्ण गरी सीए सरहको उपाधि प्राप्त गरेको र कम्प्युटर अधिकृतका लागि ब्याचलर सफ्टवयेर इन्जिनियरिङ्ग, कानुन अधिकृतका लागि कानुन विषयमा स्नाकोत्तर तह उत्तीर्ण र एक्चुरीका लागि म्याथम्याटिकल साइन्समा स्नातक तह उर्तिण भएको हुनुपर्ने कम्पनीले जनाएको छ ।
इच्छुक तथा योग्यता पुगेका नागरिकले सूचना प्रकाशित भएको मितिले १५ दिनभित्र आवेदन दिन कम्पनीले अनुरोध गरेको छ ।
