काठमाडौं । शेयर बजार आज पनि घटेको छ । सोमबारदेखि ओरालो लागेको नेप्सेले आज पनि सोही गतिलाई निरन्तरता दिएको हो। हिजो पनि सामान्य अंकले घटेको बजार आज १६ दशमलव ६१ अंकले घटेर १ हजार ९ सय १७ दशमलव २८ को विन्दुमा झरेको छ ।
बुधबार दिन २ सय ४६ स्क्रिपको १ अर्ब ६५ करोड रुपैयाँ बराबरको ८० लाख ९२ हजार कित्ता शेयर किनबेच भएको छ। आज ३७ कम्पनीको शेयर मुल्य बढेको छ । १ सय ५९ कम्पनीको शेयर मुल्य घटेको छ भने ८ कम्पनीको शेयर मूल्यमा स्थिर आएको छ ।
१३ उपसमूहमध्ये यस दिन होटल तथा पर्यटन उपसमूहको परिसूचक बाहेक अरु सबै उपसमूहको परिसूचक घटेको छ।आज सबैभन्दा धेरै सानिमा बैंकको संस्थापक शेयर कारोबार भएको छ । बैंकको ६७ करोड २ लाख रुपैयाँ संस्थापक शेयर कारोबार भएको छ ।
त्यस्तै, शिवम् सिमेन्टको १३ करोड ८५ लाख रुपैयाँको शेयर कारोबार भएको छ । नविल बैंकको ४ करोड ५२ लाख रुपैयाँको शेयर कारोबार भएको छ । हिमालयन डिष्टिलरीको ३ करोड ७९ लाख रुपैयाँको शेयर कारोबार भएको छ ।
