काठमाडौं । मोलुङ्ग हाइड्रोपावर कम्पनीले आईपीओ निष्काशनको लागि नेपाल धितोपत्र बोर्डबाट अनुमति पाएको छ । कम्पनीले आईपीओ निष्काशनका लागि मंगलवार बोर्डको अनुमति पाएको हो ।
कम्पनीले ३५ करोड ३१ लाख रुपैयाँ बराबरको ३५ लाख ३१ हजार कित्ता आईपीओ निष्काशन गर्ने भएको छ । कम्पनीको सो आईपीओ निष्काशन तथा बिक्री प्रबन्धकका लागि सनराइज क्यापिटललाई नियुक्त गरेको छ ।
कम्पनीले स्थानिय बासिन्दा र सर्वसाधारणका लागि आईपीओ निष्काशन गर्न अनुमति पाएको हो ।
