काठमाडौं । वाणिज्य बैंकहरुको निक्षेप ११ अर्ब रुपैयाँले बढेको छ । नेपाल बैंकर्ष संघका अनुसार मंसिर तेस्रो सातामा बैंकहरुको निक्षेप सो रुपैयाँ बराबर बढ्न पुगेको हो ।
संघका अनुसार मंसिरको दोस्रो साता ४५ खर्ब ६२ अर्ब रुपैयाँ रहेको निक्षेप तेस्रो सातामा ११ अर्ब रुपैयाँले बढेर ४५ खर्ब ७३ अर्ब रुपैयाँमा पुगेको छ ।
त्यस्तै, सो अवधिमा बैंकहरुको कर्जा लगानी भने १ अर्ब मात्रै बढ्न पुगेको छ । मंसिरको दोस्रो साता ४२ खर्ब २२ अर्ब रुपैयाँ रहेको कर्जा लगानी तेस्रो सातामा १ अर्बले बढेर ४२ खर्ब २३अर्ब रुपैयाँमा पुगेको संघले जनाएको छ ।
