बीरगंज। राजश्व छलिको आशंकामा सशस्त्र प्रहरीले सामान सहितको ट्रक पक्राउ गरेको छ ।
प्रज्ञापन पत्रमा भएको विलविजक भन्दा बढी मालसामान रहेको भन्ने विशेष सुचनाको आधारमा वीरगंज महानगरपालिकाको पावर हाउस चोकबाट सो ट्रक नियन्त्रणमा लिएको हो ।
सशस्त्र प्रहरी बल बोर्डर आउट पोष्ट विरगंजबाट खटिएको टोलीले वीरगंजबाट पथलैया तर्फ जादै गरेको ना ५ ख ९४३५ नम्बरको ट्रक पक्राउ गरेको हो ।
अनुमानित ३६ लाख ८४ हजार ६१ रुपैया बराबरको सामानसहितको ट्रक आवश्यक कारवाही तथा थप अनुसन्धानका लागि राजश्व अनुसन्धान कार्यालय पथलैया बारामा बुझाईएको जनाइएको छ।
