काठमाडौं । कतारमा जारी फिफा विश्वकप फुटबलमा आज दुई खेलहरु हुँदैछन् । समूह चरणको खेल सकिएसँगै हिजोबाट नकआउट चरणका खेलहरु सुरु भएको हो ।
आजको खेल फ्रान्स र पोल्यान्डबीचको बीच हुनेछ। नेपाली समय अनुसार राति ८ः४५ बजे सुरु हुनेछ । फ्रान्स समूह ’डी’ को विजेता र पोल्यान्ड समूह ’सी’ को उपविजेता बन्दै नकआउट चरणमा पुगेका हुन् ।
यस्तै, आज हुने अर्को खेलमा इङ्ल्यान्ड र सेनेगलबीच प्रतिस्पर्धा हुनेछ । साे खेल नेपाली समय अनुसार राति १२ः४५ बजे सुरु हुनेछ । इङ्ल्यान्ड समूह ’बी’ को विजेता र सेनेगल समूह ’ए’ को उपविजेता बन्दै नकआउट चरणमा पुगेको हो ।
