काठमाडौं । काठमाडौं उपत्यकामा एकैदिन २ हजार ३ सय ४७ जना सवारी चालक कारवाहीमा परेका छन् । टाफिक नियम उल्लङ्घन गरेको कारणले उनीहरुलाई शनिबार उपत्यकाको विभिन्न स्थानबाट कारवाही गरिएको काठामाडौं उपत्यका ट्राफिक प्रहरी कार्यालयले जनाएको छ ।
कारबाहीमा पर्नेमा मादक पदार्थ सेवन गरी सवारी साधन चलाउने १ सय ९० जना, लेन अनुशासन पालना नगर्ने २७ जना, रेड लाइडमा सवारी साधन चलाउने २५ जना, निषेधित क्षेत्रमा हर्न बजाउने ६९ र नम्बर प्लेट राम्रोसँग नराख्ने ४८ जना चालक रहेका छन् । यस्तै १ हजार ९ सय ८८ जना सवारी चालकलाई अन्य कारबाही गरिएको कार्यालयले जनाएको छ ।
