काठमाडौं । निर्वाचन आयोगले स्याङ्जा २ र बाजुरामा पुनः मतदान नगर्ने निर्णय गरेको छ। मंसिर ४ गते भएको निर्वाचनको मतगणना थाल्न आयोगले निर्देशन समेत दिएको छ । ती दुई क्षेत्रको मतदान गणना अघि बढ्न सकेको थिएन । त्यहाँ पुनः मतदानमा नजाने निर्णयसँगै अब मतगणना प्रक्रिया सुरु हुने आयोगले जनाएको छ ।
आयोगको आज बसेको बैठकले पुनः मतदानको सट्टा मतगणना गर्ने निर्णय गरेको छ । आयोगको यसअघिको बैठकले दोलखाका १० विवादित केन्द्रमा भने यही मंसिर १५ गते पुनः मतदान गर्ने निर्णय गरेको छ।
