काठमाडौं । सुनचाँदी बजारमा आज सुनको मूल्य स्थिर छ । नेपाल सुनचाँदी ब्यवसायी महासंघका अनुसार आज छापावाला सुन प्रतितोला ९४ हजार २ सय रुपैयाँ तोकिएको छ । बुधवार पनि छापावाला सुन सोही मूल्यमा कारोबार भएको थियो ।
त्यस्तै, तेजाबी सुन प्रतितोला ९३ हजार ७ सय रुपैयाँमा कारोबार हुनेगरी मूल्य तोकिएको छ भने चाँदी प्रतितोला १० रुपैयाँले घटेर १ हजार १ सय ९० रुपैयाँमा कारोबार हुने महासंघले जनाएको छ ।
अन्तराष्ट्रिय बजारमा सुनको कारोबार मूल्यका आधारमा महासंघले स्थानीय बजारमा मूल्य निर्धारण गर्दै आएको छ । अन्तराष्ट्रिय मूल्य, डलर र नेपाली रुपैयाँको बिनिमयदर, नेपालको भन्सारदर एवं व्यवसायीको नाफा समेत जोडेर यस्तो मूल्य निर्धारण गर्ने गरिएको छ ।
