काठमाडौं । नेपाल राष्ट्र बैंकले ११ अर्ब ८३ करोडको रुपैयाँ बराबरको ट्रेजरी बिक्री गर्ने भएको छ । आइतवार बैंकले सो रकम बराबरको ट्रेजरी बिल विक्री गर्ने भएको हो ।
बैंकले २८ दिन अवधिको लागि २ अर्ब रुपैयाँ बराबरको ट्रेजरी बिल जारी गर्ने भएको छ । त्यस्तै, ९१ दिन अवधिको लागि ५ अर्ब ५३ करोड रुपैयाँ बराबरको ट्रेजरी बिल जारी गर्ने भएको छ भने १ सय ८२ दिन अवधिको लागि ४ अर्ब ३० करोड रुपैयाँ बराबरको ट्रेजरी बिल जारी गर्ने भएको छ ।
उक्त ट्रेजरी बिल २८ दिनको कात्तिक १ गते परिपक्व हुनेछ । ९१ दिन अवधिको पुस ५ गते परिपक्व हुनेछ भने १ सय ८२ दिन अवधिको चैत ७ गते परिपक्व हुनेछ । यो ट्रेजरी विल आइतवार दिउँसो ३ बजे अनलाइन माध्यमबाट बोलकबोल हुनेछ ।
उक्त बोलकबोलमा बैंक तथा वित्तीय संस्था, सर्वसाधारण संस्था तथा सर्वसाधारण नागरिकले सहभागिता हुन सक्नेछन् ।
