काठमाडौं । सरकारले ५ जना सचिवको जिम्मेवारी हेरफेर गरेको छ । सोमबार बसेको मन्त्रिपरिषद्को बैठकले सचिवको जिम्मेवारी हेरफेर गर्ने निर्णय गरेको हो ।
गृह मन्त्रालयका सचिवमा टेकनारायण पाण्डेलाई प्रधानमन्त्री तथा मन्त्रिपरिषद्को कार्यालयमा पठाइएको छ भने गृह मन्त्रालयको सचिवको जिम्मेवारी विनोद सिंहलाई दिइएको छ । उनी यस अघि प्रदेश १ को प्रमुख सचिव रहेका थिए ।
अख्तियार दुरुपयोग अनुसन्धान आयोगका सचिव तोयम रायालाई वाणिज्य मन्त्रालयमा लगिएको छ भने अख्तियारको सचिवको जिम्मेवारी रामप्रसाद घिमिरेलाई दिइएको छ ।
त्यस्तै वाणिज्य मन्त्रालयका सचिव डा गणेश पाण्डेलाई प्रधानमन्त्री कार्यालयमा पठाइएको छ ।
