काठमाडौं । मापदण्डविपरित बनाइएको ललितपुरको लगनखेलस्थित मञ्जुश्री पेट्रोल पम्प महानगरपालिकाले सिल गरेको छ ।
उक्त संरचना हटाउनका लागि महानगरले पटक पटक आग्रह गर्दा पनि सञ्चालकले अटेर गरेपछि आइतबार महानगरपालिकाले सिल गरेको हो ।
विगत ६ महिनादेखि आफूहरूले यो पेट्रोलपम्प मापदण्ड विपरित रहेको र यसलाई हटाउनू भनेर भन्दा पनि नमानेपछि बाध्य भएर हटाउनु परेको हो । पेट्रोल पम्प अति संवेदनशील भएकाले महानगरले सबै तयारी पुरा गरेर हटाएको छ ।
हाल तारजाली गरेर लाहा छाप लगाएर छोडेको छ ।
