काठमाडौं । कलंकीमा रहेको खसीबजार हटाउन काठमाडौं महानगरपालिकाले निर्देशन दिएको छ । बिहीबार १५ दिने सूचना जारी गर्दै महानगरपालिकाले यस्तो निर्देशन दिएको हो ।
बल्खुखोलासँगै जोडिएको ७ रोपनी ८ आना क्षेत्रफलको उक्त जग्गाको खसी बजारले छरछिमेकलाई बाधा परेको, फोहोरमैलाका कारण वातावरणमा गम्भीर असर गरेको भनी स्थानीयवासीबाट उजुरी आएको भन्दै महानगरले यस्तो निर्देशन दिएको जनाएको छ ।
त्यहाँ व्यवसाय सञ्चालन गर्दै आएका व्यवसायीलाई महानगरपालिकाले १५ दिनभित्र वैकल्पिक व्यवस्था गर्न भनेको छ ।
