काठमाडौं । नेपाल राष्ट्र बैंकले १३ अर्ब रुपैयाँ बराबरको ट्रेजरी बिल जारी गर्ने भएको छ । सोमबार बैंकले १३ अर्ब बराबरको ट्रेजरी बिल जारी गर्ने भएको हो ।
बैंकले २८ दिन अवधिको लागि ५ अर्ब रुपैयाँ बराबरको ट्रेजरी बिल जारी गर्ने भएको छ । त्यस्तै, ९१ दिन अवधिको लागि २ अर्ब रुपैयाँ बराबरको ट्रेजरी बिल जारी गर्ने भएको छ भने १ सय ८२ दिन अवधिको लागि ६ अर्ब रुपैयाँ बराबरको ट्रेजरी बिल जारी गर्ने भएको छ
उक्त ट्रेजरी बिल २८ दिनको भदौ २८ गते परिपक्व हुनेछ । ९१ दिन अवधिको कातिक २९ गते परिपक्व हुनेछ भने १ सय ८२ दिन अवधिको फागुन २ गते परिपक्व हुनेछ । यो ट्रेजरी विल सोमबार दिउँसो ३ बजे अनलाइन माध्यमबाट बोलकबोल हुनेछ ।
उक्त बोलकबोलमा बैंक तथा वित्तीय संस्था, सर्वसाधारण संस्था तथा सर्वसाधारण नागरिकले सहभागीता हुन सक्नेछन् ।
