काठमाडौं । मेगा बैंकको नाफा २१ प्रतिशतले बढेको छ । आर्थिक वर्ष २०७८÷७९ को चौथो वित्तीय विवरण अनुसार बैंकले असार मसान्तसम्ममा २ अर्ब ८३ करोड नाफा कमाएको छ । यो गत वर्षको तुलनामा २१.७८ प्रतिशतले बढी हो । अघिल्लो आर्थिक वर्षको सोही अवधिसम्ममा बैंकले २ अर्ब ३२ करोड रुपैयाँ नाफा कमाएको थियो।
बैंकको खुद व्याज आम्दानी ५ अर्ब ९१ करोड रुपैयाँ रहेको छ भने गत आर्थिक वर्षको सोही अवधिमा ५ अर्ब ७९ करोड रुपैयाँ रुपैयाँ रहेको थियो । गत आर्थिक वर्षमा बैंकको वितरणयोग्य नाफा १ अर्ब ६३ करोड रुपैयाँ छ।
असार मसान्तसम्म बैंकमा १ खर्ब ५३ अर्ब निक्षेप छ । यस्तै कर्जा १ खर्ब ४७ अर्ब रहेको छ । बैंकमा अघिल्लो वर्ष असार मसान्तमा १ खर्ब ३६ अर्ब निक्षेप थियो भने कर्जा १ खर्ब ३६ अर्ब कर्जा थियो ।
बैंकको प्रतिशेयर आम्दानी १७ रुपैयाँ ५७ पैसा रहेको छ । सो अवधिसम्ममा बैंकको मूल्य आम्दानी अनुपात १२.८७ गुणा रहेको छ भने प्रतिशेय नेटवर्थ १४२.५२ रुपैयाँ रहेको छ।
