काठमाडौं । नेपाल राष्ट्र बैंकले थप ७ अर्ब रुपैयाँ बजारमा पठाएको छ । राष्ट्र बैंकले सार्वजनिक गरेको विवरण अनुसार विभिन्न समयमा गरि बैंकबाट ७ अर्ब बजारमा पठाएको हो ।
राष्ट्र बैंकका अनुसार जेठ मसान्तसम्म बजारमा ६ खर्ब ९ अर्ब रुपैयाँ रहेको थियो। असार मसान्तमा यो रकम बढेर ६ खर्ब १६ अर्ब रुपैयाँमा पुगेको छ । यो रकम बैंक, निजी क्षेत्र र आम जनतासँग कायम रहेको रकम हो ।
त्यस्तै एक महिनामा नेपाल राष्ट्र बैंकमा सुनचाँदीमा लगानी गर्ने रकम २ अर्ब ८५ करोड रुपैयाँले घटेको छ । राष्ट्र बैंकको सुनचाँदीमा लगानी गर्ने रकम ८५ अर्ब ५ करोड रुपैयाँ रहेको छ । यो रकम चैत मसान्तसम्ममा ८७ अर्ब ९० करोड रुपैयाँ रहेको थियो ।
