काठमाडौं । प्रहरीले फर्पिङ चेकपोइन्टमा नक्कली रुपैयाँसहित २ जना ब्यक्ति पक्राउ पक्राउ गरेको छ । पक्राउ पर्नेमा सर्लाही बंगलवा बस्ने २६ बर्षीय प्रमोद ठाकुर र सोही जिल्ला ठाउँमा बस्ने २५ बर्षीय को गंगा कुमार यादव रहेका छन् ।
फर्पिङ चेकपोइन्टमा चेकजाँच गर्ने क्रममा सर्लाहीबाट काठमाण्डौ आउँदै गरेको पल्सर मोटरसाइकललाई चेकजाँ गर्ने क्रममा सिरियल नं. झ ७३६३६७०३, झ १९७९१४४४ र झ ३७५३०६६९ नं.को हजार दरले २७ थान नेपाली नक्कली रुपैयाँसहित २ जनालाई पक्राउ गरेको हो । उनीहरुमाथि थप अनुसन्धान भइरहेको प्रहरीले जनाएको छ ।
