काठमाडौं । राजश्व अनुसन्धान विभागका महानिर्देशक प्रकाश पौडेलको सरुवा भएको छ । अघिल्लो साताको मन्त्रिपरिषद् बैठकले पौडेललाई प्रधानमन्त्री कार्यालयमा सरुवा गरेको हो ।
पौडेल अघिल्लो गत असोजमा विभागमा सरुवा भएर आएका थिए । ८ महिना नपुग्दै उनलाई सरुवा गरिएको हो । उनले सोमबार रमाना लिँदैछन् ।
उनको सरुवासँगै नयाँ महानिर्देशकमा झलक अधिकारीलाई पठाउने तयारी गरिएको छ । उनी यसअघि संघीय मामिला तथा सामान्य प्रशासन मन्त्रालयको अतिरिक्त समूहमा थिए ।
अधिकारी त्योभन्दा अघि सहकारी विभागको रजिष्ट्रार थिए भने त्यसभन्दा अघि ठूला करदाता कार्यालयका प्रमुख थिए ।
महानिर्देशक बनाउनकै लागि अधिकारीलाई प्रधानमन्त्री कार्यालयमा सरुवा गरिसकिएको छ ।
