काठमाडौं । राजेन्द्र राई प्रदेश नं १ को मुख्यमन्त्रीमा नियुक्त भएका छन् । प्रदेश प्रमुख सोमनाथ अधिकारीले राईलाई मुख्यमन्त्रीमा नियुक्त गरेका हुन् । नियुक्तिसँगै उनले आजै शपथ ग्रहण गर्नेछन् भने आजै मन्त्रीमण्डल समेत विस्तार गर्ने तयारी गरेका छन् ।
प्रदेश १ सरकारका लागि ५ जना मन्त्रीको नाम फाइनल भइसकेको छ । यसअनुसार समाजवादीका जयराम यादव, काँग्रेसका केदार कार्की र हिमाल कार्की, माओवादीका इन्द्रबहादुर आङ्बो र संयुक्त लोकतान्त्रिक राष्ट्रिय मञ्चकीविष्णुमाया तुम्बाहाङ्फेलाई मन्त्रीको जिम्मेवारी दिइँदैछ ।
समाजवादीका यादवलाई सामाजिक विकास, काँग्रेसका प्रमुख सचेतक समेत रहेका केदार कार्कीलाई आन्तरिक मामिला तथा कानुन मन्त्रालय संसदीय दलका उपनेता समेत रहेका हिमाल कार्कीलाई भौतिक पूर्वाधार विकास मन्त्रीको जिम्मेवारी तोकिने भएको छ ।
त्यस्तै, नेकपा माओवादी केन्द्रका नेता इन्द्रबहादुर आङ्बोले आर्थिक मामिला मन्त्रालय र संयुक्त लोकतान्त्रिक राष्ट्रिय मञ्चकी सांसद विष्णुमाया तुम्बाहाङ्फेले सामाजिक विकास राज्यमन्त्रीको जिम्मेवारी सम्हाल्ने टुङ्गो लागेको छ ।
