काठमाडौं । नेपालकै सबैभन्दा पुरानो जीवन बीमा कम्पनीको रुपमा रहेको पूर्ण सरकारी स्वामित्वको राष्ट्रिय बीमा संस्थान कम्पनीमा रुपान्तरण भएको छ । बीमा ऐन २०७९ ले राष्ट्रिय बीमा संस्थान ऐन खारेज गरिदिएको करिब एक वर्षपछि संस्थान कम्पनी ऐनको मातहतमा आएको हो ।
योसँगै संस्थानको नाम समेत परिवर्तन भएको छ । संस्थानको नाम अब राष्ट्रिय जीवनबीमा कम्पनी लिमिटेड रहनेछ । उक्त नामलाई नेपाल बीमा प्राधिकरणले मंसिर १३ गते स्वीकृति अन्तिम स्वीकृति दिएको हो ।
यसअघि मन्त्रीपरिषद्को कात्तिक १६ गते बसेको बैठकले यसको नाम परिवर्तन गर्न र कम्पनीमा दर्ता गर्न स्वीकृति दिएको थियो ।
