काठमाडौं । नेपाल राष्ट्र बैंकले १७ अर्ब ८५ करोड ५० लाख रुपैयाँ बराबरको ट्रेजरी विल जारी गर्ने भएको छ । बैंकले शुक्रबार सो रुपैयाँ बराबरको ट्रेजरी विल जारी गर्ने भएको हो ।
बैंकले ९१ दिनको लागि ८ अर्ब रुपैयाँको ट्रेजरी विल जारी गर्ने भएको छ । त्यस्तै, १८२ दिनको लागि ९ अर्ब ८५ करोड ५० लाख रुपैयाँ बराबरको ट्रेजरी विल जारी गर्ने भएको छ ।
उक्त ट्रेजरी विल ९१ दिनको फागुन १ गते परिपक्क हुनेछ । त्यस्तै, १८२ दिनको आगामी जेठ १ गते परिपक्क हुने सरकारी ऋणपत्र नविकरण गर्न लागेको हो ।
यो ट्रेजरी विल शुक्रबार दिउँसो ३ बजे अनलाइन माध्यमबाट बोलकबोल हुनेछ । उक्त बोलकबोलमा बैंक तथा वित्तीय संस्था, सर्वसाधारण संस्था तथा सर्वसाधारण नागरिकले सहभागीता हुन सक्नेछन् ।
