काठमाडौं । नेपाल राष्ट्र बैंकले नारायणी डेभलपमेन्ट बैंकलाई एकै त्रैमासमा ५ पटक जरिवाना गरेको छ । राष्ट्र बैंकले २०७९/८० को चौथो त्रैमासमा ५ पटक कारबाही गर्दै नगद गरिवाना गरेको हो।
राष्ट्र बैंकको वित्तीय संस्था सुपरिवेक्षण विभागबाट गैरस्थलगत सुपरिवेक्षणका आधारमा नारायणी डेभलपमेन्ट बैंकलाई चौथो त्रैमासमा अनिवार्य नगद मौज्दात अनुपात कायम नगरेकोमा ५ पटक कारबाही गरी १ लाख ६४ हजार २४ रुपैयाँ नगद जरिवाना गरिएको छ।
यसअघि उक्त आर्थिक वर्षको तेस्रो त्रैमाससम्म नारायणी डेभलपमेन्ट बैंकलाई नियम मिचेकोमा राष्ट्र बैंकले ३ पटक कारबाही गरिसकेको थियो।
