काठमाडौं । आशिफ शेखको अर्धशतकसँगै नेपालले यूएईविरुद्ध जित हासिल गरेको छ । आज मुलपानी क्रिकेट स्टेडियममा भएको त्रिकोणात्मक सिरिज अन्तर्गतको खेलमा १६५ रनको लक्ष्य पाएको नेपालले १९.२ ओभरमा ५ विकेट गुमाएर लक्ष्य पूरा गर्दै जित हाँसिल गरेको हो ।
खेलमा आशिफ शेखले सर्वाधिक ६२ रन, कप्तान रोहित पौडेलले ४७ रन, दिपेन्द्र सिंह ऐरीले ४० रन, सोमपाल कामीले २ रन र कुशल भुर्तेल र गुल्सन झाले १÷१ रनको योगदान दिएका थिए ।
टस जितेर नेपालले पहिले यूएईलाई ब्याटिङको निम्तो दिएको थियो । निर्धारित २० ओभर खेल्दै यूएईले ७ विकेट गुमाएर १६४ रन बनाएको थियो ।
