काठमाडौं । टेलिभिजनभित्र सुन लुकाएर ल्याउने एक व्यक्ति त्रिभुवन अन्तर्राष्ट्रिय विमानस्थलबाट पक्राउ परेका छन् । मलेसियाबाट मलेसियन एयरलाइन्समार्फत काठमाडौं आएका सिन्धुलीका नवराज धामी ५१० ग्राम अवैध सुनसहित पक्राउ परेका हुन् ।
सोमबार दिउँसो त्रिभुवन अन्तर्राष्ट्रिय विमानस्थल भन्सार कार्यालयमा सुरक्षा जाँचका क्रममा उनी पक्राउ परेका हुन् । अवैध सुन टिभीभित्र लुकाएर ल्याएका धामीमाथि अनुसन्धान जारी रहेको प्रहरीले जनाएको छ ।
शंका लागेपछि भन्सार कर्मचारीले सोधीखोजी गर्दा धामीले काँचो सुन टिभीभित्र राखेर ल्याएको खुलेको हो ।
