काठमाडौं । लमहीका इञ्जिनियरविरुद्ध अख्तियार दुरुपयोग अनुसन्धान आयोगले भ्रष्टाचार गरेको आरोप लगाएको छ । आफूसँग भएको ३ करोड १५ लाख रुपैयाँ बराबर सम्पत्तिको स्रोत देखाउन नसकेको भन्दै अख्तियारले जल उत्पन्न प्रकोप नियन्त्रण कार्यालय, लमहीका इन्जिनियर रामबहादुर रानाभाट विरुद्ध मुद्दा लगाएको हो ।
रानाभाटले अवैध रुपमा सम्पत्ति आर्जन गरि अमिल्दो र अस्वभाविक जीवनयापन गरेको आरोप लगाएको छ । साथै अवैध रुपमा कमाएको सम्पत्ति उनकी श्रीमती राधा रानाभाटको नाममा राखेको भन्दै उनलाई समेत प्रतिवादी बनाएर अख्तियारले उच्च अदालत काठमाडौंमा मुद्दा दर्ता गरेको छ ।
