काठमाडौं । बुधबार बजारमा सुनको मूल्य घटेको छ । बुधबार छापावाला सुन प्रतितोला १ लाख ११ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
मंगलबारको बजारमा प्रतितोला १ लाख ११ हजार ८ सय रुपैयाँले कारोवार भएको सुनको मूल्य प्रतितोला ८ सय रुपैयाँले घटेर १ लाख ११ हजार रुपैयाँ कायम भएको हो ।
त्यस्तै, तेजाबी सुनको मूल्य पनि ८०० रुपैयाँले घटेर १ लाख १० हजार ४५० रुपैयाँ कायम भएको छ । चाँदीको मूल्य पनि मंगलबार कारोबार भएको १ हजार ४ सयबाट घटेर १ हजार ३ सय ८५ रुपैयाँ कायम भएको महासंघले जनाएको छ ।
