काठमाडौं । काठमाडौं महानगरपालिकाले सडकमा निर्माण सामान राख्नेलाई जरिवाना गरेको छ । काठमाडौं महानगरले तिलगंगा निवासी सुदर्शन कँडेललाई २५ हजार र विलिल कन्टेकलाई ५० हजार रुपैयाँ गरी कूल ७५ हजार रुपैयाँसम्म जरिवाना तिराएको हो ।
विलिल कन्टेकले वडा नं. ११ थापाथली स्थिति राष्ट्र बैंक साडमा माटो झारेबापत ५० हजार रुपैयाँ जरिवाना गरेको छ भने वडा नं. ९ तिलगंगास्थित सडक पेटीमा निर्माण सामाग्री राखेको भन्दै कँडेललाई २५ हजार रुपैयाँ जरिवाना गरेको हो ।
नगर प्रहरीहरुले जथाभावी फोहोर फाल्ने, सडक अवरुद्ध गरेर निर्माण सामाग्री राख्ने, खुल्ला स्थानमा आगो बाल्ने, पर्चा, पोस्टर टाँसेर फोहोर गर्नेलाई ठाउँको ठाउँ जरिवाना गर्ने गरेको छ ।
