काठमाडौं । वाणिज्य आपूर्ति तथा उपभोक्ता संरक्षणले बुधबार १६ फर्ममाथि अनुगमन गरेको छ । बुधबार बजार अनुगमनको क्रममा विभागले माछा मासु पसल र तरकारी तथा फलफूल पसललाई कारबाही गरेको हो ।
जसमा उनीहरुले खरिद बिजविजक नराख्नेलाई विभागले कारबाही गरेको हो । जसमा ५ वटा पसलेलाई नगद जरिवाना गरिएको छ ।
विभागले पुरानो बानेश्वरमा रहेको २ वटा माछा मासु पसलेलाई १०÷१० हजार रुपैयाँ र एउटा माछा मासु पसलेलाई ५ हजार रुपैयाँ नगद जरिवाना गरेको छ । त्यस्तै, कुलेश्वरमा रहेको तरकारी तथा फलफूल पसललाई २० हजार रुपैयाँ जरिवाना गरेको छ ।
नियमित अनुगमनका क्रममा विभागले विभिन्न पसललाई कागजातसहित विभागमा उपस्थित हुन भनेको छ भने कतिपयलाई सामान्य निर्देशन दिएको छ ।
