काठमाडौं । खानेपानी मन्त्रालयले ७ जना सहसचिवहरुको सरुवा गरेको छ । मन्त्रालयले मेलम्ची विकास समितिका कार्यकारी निर्देशकलाई अन्यत्र खटाएको छ भने खानेपानी विभागका महानिर्देशक पनि फेरेको छ ।
मेलम्ची विकास समितिका कार्यकारी निर्देशक कमलराज श्रेष्ठलाई खानेपानी विभागको महानिर्देशकमा लगिएको छ । खानेपानी विभागका महानिर्देशक रमाकान्त दुवाडीलाई विराटनगरस्थित संघीय खानेपानी तथा ढल व्यवस्थापन आयोजनामा सरुवा गरिएको छ ।
संघीय खानेपानी तथा ढल व्यवस्थापन आयोजना कार्यालय विराटनगरका प्रमुख सुरत बमलाई मेलम्ची खानेपानी विकास समितिको उपकार्यकारी निर्देशक बनाइएको छ ।
रामचन्द्र काफ्लेलाई संघीय खानेपानी तथा ढल व्यवस्थापन आयोजना कार्यालय बुटवलमा सरुवा गरिएको छ भने उज्वल प्रजापतिलाई हेटौंडामा सरुवा गरिएको छ । त्यस्तै, जक्की अहमदलाई जनकपुर र बालमुकुन्द श्रेष्ठलाई खानेपानी तथा ढल व्यवस्थापन आयोजना सुर्खेतमा खटाइएको छ ।
