काठमाडौं । नेपाल इन्भेष्टमेन्ट मेगा बैंकले ४ अर्ब २९ करोेड रुपैयाँ नाफा कमाउन सफल भएको छ । बैंकले सार्वजनिक गरेको विवरण अनुसार असारमसान्तसम्ममा बैंकले सो रकम बराबरको नाफा कमाउन सफल भएको हो । यो गत वर्षको तुलनामा १३.१९ प्रतिशत बढी हो। गत वर्ष यस्तो रकम ३ अर्ब ७९ करोड रुपैयाँ रहेको थियो ।
बैंकले सो रकम बराबर नाफा कमाउँदा वितरणयोग्य नाफा भने २ अर्ब ६० करोड रहेको छ ।
असार मसान्तसम्ममा ३ खर्ब ५४ अर्ब रुपैयाँ निक्षेप संकलन गरेर ३ खर्ब ३ अर्ब रुपैयाँ कर्जा प्रवाह गरेको छ । बैंकको जगेडा कोषमा २३ अर्ब ८९ करोड रुपैयाँ छ । त्यस्तै सो समयमा बैंकको प्रतिशेयर आम्दानी १६ रुपैयाँ ७ पैसा छ भने प्रतिशेयर नेटवर्थ १ सय ७० रुपैयाँ ४८ पैसा रहेको छ । बैंकको निष्कृय कर्जा भने ४।३५ प्रतिशत पुगेको छ ।
