काठमाडौं । नेपाल बैंकको नाफा १६ प्रतिशतले बढेको छ । गत आर्थिक वर्षको चौथो त्रैमाससम्ममा बैंकले ३ अर्ब ४१ करोड १५ लाख रुपैयाँ नाफा कमाएको छ । यो गत आर्थिक वर्षको सोही अवधिको तुलनामा १६.७० प्रतिशत बढी हो। अघिल्लो आर्थिक वर्षको सोही अवधिसम्ममा बैंकले २ अर्ब ९२ करोड ३२ लाख रुपैयाँ नाफा कमाएको थियो।
गत आर्थिक वर्षको अन्त्यसम्ममा बैंकको वितरणयोग्य मुनाफा ९७ करोड ३३ लाख रुपैयाँ रहेको छ। यस अनुसार बैंकको प्रतिशेयर ६ रुपैयाँ ६२ पैसा नाफा वितरण गर्न सक्ने क्षमता रहेको छ। अर्थात बैंकको लाभांश क्षमता ६.६२ प्रतिशत रहेको छ। सो समयमा कम्पनीको खुद ब्याज आम्दानी ९ अर्ब ४४ करोड रुपैयाँ बराबरको रहेको छ । यो खुद व्याज आम्दानी गत बर्षको तुलनामा ४०.६१ प्रतिशतले बढी हो । गत बर्षको सोही अवधिमा यस्तो व्याज आम्दानी ६ अर्ब ७१ करोड रुपैयाँ रहेको थियो ।
१४ अर्ब ६९ करोड ४० लाख रुपैयाँ चुक्ता पूँजी रहेको यस बैंकको जगेडा कोषमा २१ अर्ब ८८ करोड ४८ लाख रुपैयाँ बरारको सञ्चित रहेको छ। बैंकको निक्षेप २ खर्ब ४४ अर्ब र कर्जा लगानी १ खर्ब ७८ अर्ब रुपैयाँ रहेको छ ।
नाफासँगै बैंकको प्रतिशेयर आम्दानी पनि सामान्य बढेको छ। समीक्षा अवधिमा बैंकको यस्तो आम्दानी २ रुपैयाँ ९२ पैसा बढेर २३ रुपैयाँ २२ पैसा पुगेको छ। असार मसान्तसम्ममा बैंकको मूल्य आम्दानी अनुपात १०.७२ गुणा रहेको छ भने प्रतिशेयर नेटवर्थ २ सय ४८ रुपैयाँ ९४ पैसा रहेको छ।
