काठमाडौं । नेपाल स्टक एक्सचेञ्ज (नेप्से) ५३.१६ अंकले घटेर १ हजार ८ सय ८८ दशमलव ६१ विन्दुमा झरेको छ । मंगलबार २ सय ७५ स्क्रिपको २ अर्ब ३४ करोड रुपैयाँ बराबरको ७० लाख ७४ कित्ता शेयर किनबेच भएको छ । नेप्से घटेपनि यस दिनको कारोबार रकम २ अर्ब नाघेको छ।
आज कारोबारमा आएका ९ कम्पनीको शेयर मूल्य बढेको छ । २ सय ७ कम्पनीको शेयर मूल्य घटेको छ भने ३ कम्पनीको शेयर मूल्य स्थिर छ । यस दिन १३ वटै उपसमूहको परिसूचक घटेको छ। जसमध्ये जीवन बीमा, लघुवित्त, निर्जीवन बीमा र अन्य उपसमूहको परिसूचक ३ प्रतिशतभन्दा बढी घटेको छ। कारोबारमा आएका बैंकिङ्ग, विकास बैंक, वित्त, होटल तथा पर्यटन, जलविद्युत, लगानी र व्यापार उपसमूहको परिसूचक २ प्रतिशतभन्दा बढी घटेको छ।
आज सबैभन्दा धेरै शिवम् सिमेन्टको कारोबार भएको छ । आज कम्पनीको २१ करोड २४ लाख रुपैयाँको शेयर कारोबार भएको छ । ग्लोबल आइएमई बैंकको १० करोड ११ लाख रुपैयाँ संस्थापक शेयर किनबेच भएको छ । नेपाल लाइफको ८ करोडमाथिको शेयर कारोबार भएको छ ।
नेप्से घटेपनि यस दिन दुई स्टकको शेयर सर्किट लागेको छ । यसरी सर्किट लाग्नेमा आत्मनिर्भर लघुवित्त र बिपिडब्लु लघुवित्त रहेका छन् ।
