काठमाडौं । आरएसडिसी लघुवित्तको नाफा ८.८१ प्रतिशतले घटेको छ । आर्थिक वर्षको चैतसम्ममा लघुवित्तले ८ करोड ६० लाख रुपैयाँ नाफा कमाएको छ । गत वर्षको सोही अवधिमा लघुवित्तको यस्तो नाफा ९ करोड ४३ लाख रुपैयाँ रहेको थियो ।
लघुवित्तले सो अवधिमा खुद ब्याज आम्दानी २९.२२ प्रतिशत बढाएर २ करोड १४ लाख रुपैयाँ पुर्याएको छ भने कुल सञ्चालन आम्दानी २६.०६ प्रतिशतले बढेर २३ करोड ५६ लाख पुगेको लघुवित्तले जनाएको छ ।
यसरी खुद ब्याज आम्दानी र कुल सञ्चालन आम्दानी बढेतापनि सो अवधिमा लघुवित्तको निष्क्रिय कर्जा बढेर १.३७ प्रतिशत पुगेका कारण कम्पनीको नाफा घट्न पुगेको हो ।
यस्तै, सो अवधिमा लघुवित्तको प्रतिशेयर आम्दानी १३ रुपैयाँ १९ पैसा रहेको छ भने प्रतिशेयर नेटवर्थ १ सय १८ रुपैयाँ ६ पैसा रहेको छ ।
