काठमाडौं । मोदी इनर्जीको आईपीओमा आवेदन दिने आज अन्तिम दिन रहेको छ । कम्पनीले स्थानीयवासीका लागि जारी गरेको आईपीओमा आवेदन दिने आज अन्तिम दिन हो ।
कम्पनीको २ अर्ब ९० करोड रुपैयाँको २५ प्रतिशतले हुन आउने ७२ करोड ५० लाख रुपैयाँ बराबरको आईपीओ निष्कासनको तय गरेको थियो । यसमध्ये २९ करोड रुपैयाँ बराबरको शेयर आयोजना प्रभावित तथा स्थानीयवासीका लागि छुट्याएको छ ।
कम्पनीको आईपीओमा न्यूनतम १० कित्तादेखि अधिकतम १ हजार कित्ताका लागि आवेदन दिन सक्नेछन् । कम्पनीको शेयर निष्काशन तथा बिक्री प्रबन्धक सनराइज क्यापिटल लिमिटेड रहेको छ।
