भक्तपुर । पिकनिक खान भक्तपुर गएकी जसपा सांसद सहनाजको निधन भएको छ । जनता समाजवादी पार्टी नेपालबाट समानुपातिकमा सांसद बनेकी सहनाज रहमानको शनिवार दिउँसो हृृदयघातका कारण निधन भएको हो ।
जसपा सांसद प्रदीप यादवका अनुसार पार्टीले उपत्यकामा बस्नेलाई समेटेर बनाइएको भ्रातृ संस्था गैर भौगोलिक एकाइले आयोजना गरेको पिकनिकमा भक्तपुर गएकी सांसद रहमान खाना खाए लगत्तै ढलेकी थिइन् । उनलाई उपचारका लागि तत्काल मध्यपुर अस्पताल पुर्याएको केही बेरमै चिकित्सकले मृत घोषित गरेका थिए ।
झापाकी घर भएकी सांसद रहमानको निधनप्रती विभिन्न नेताहरूले श्रद्धांजलि व्यक्त गरेका छन् । सहनाजको निधनले पार्टी तथा आम मतदातालाई अपुरणीय छती पुगेको जसपाले जनाएको छ ।
